Ahmed's Collection

Tum se Kuch Nahi Kehna

: : : . ~ Blood Drunk ~ . : : : — Sat, 22 May 2010 13:50:12 +0000

Go k kehnay wali to
bay-hisaab baatain hain

Aur meri jholi main
bay-shumaar raatain hain

Bay-shumaar raatain jo
jaag kar guzaari hain

Kis tarah meray dil say
naag ban kay lipti hain

Bay-shumaar raaton main
an-gint woh lamhay hain

Jin ki band mutthi mai
sirf teri baatain hain

Bay-shumaar raaton ki
bay-hisaab lamhon ki

An-kahi sabhi baatain
sirf tujh say kehni hain

Na kaheen to woh baatain
bay-hisaab lamhon ki

Zindagi ki raahon ko
khaar khaar kar dain gi

Phir bhi yeh iraada hay
zindagi ki raahon par

Paaon khooN say rang jaaeyn

Bay-shumaar raaton ki
An-kahi sabhi baatain
naag ban kay das jaaeyn

Tum say kuch nahi kehna!
Tum say kuch nahi kehna!

Kuch Bhi To Nahi Wesa…

: : : . ~ Blood Drunk ~ . : : : — Wed, 12 May 2010 09:48:19 +0000

Kuch bhi to nahi waisa
jaisa tujhay socha tha
jitna tujhay chaha tha…

Socha tha teray lab per
kuch herf duaoon k
kuch phool wafaoon k
mehkain gay meri khatir!

Kuch bhi to nahi waisa!
jaisa tujhay socha tha!!

Mehsoos yeh hota hai
dukh jheelay thay jo ab tak
bay naam musafat mein
likhnay ki mohabbat mein!!
perhnay ki zaroorat mein…
Be-sood riyazat thi
bay faiz ibadat thi…

Jo khawab bhi thay dekhay
in jaagti aankhon ne
sab khaam khayali thi…
Phir bhi tujhay panay ki
dil k kisi goshay mein
khawahish to bachali thi…

Lekin tujhay pa ker bhi
aur khud ko ganwa ker bhi…
Is habs k mausam ki khirki se hawa aai
na phool se khushboo ki koi bhi sada aai…!
ab neend hai aankhon main
na dil main woh pehli si taza sukhen aarai…!
na lafaz meray niklay
na herf o mani ki danish meray kaam aai…!

Nadeeda rafaqat main
jitni bhi aziyyat thi
sab meray hi naam aai…!!!

Kuch bhi to nahi waisa
jaisa tujhay socha tha
jitna tujhay chaha tha…

Zara thehro chalay jana…

: : : . ~ Blood Drunk ~ . : : : — Mon, 11 Jan 2010 17:45:31 +0000

Zara thehro
Chaley jana!
Mujhay kuch tum se kehna hai…

Bohat waqt nahi lena,
mukhtasir si baat karni hai…

Na dukh apnay sunanay hain,
na koi faryaad karni hai !!!

Na yeh maloom karna hai k
Halaat kesay hain…

Tumharay ham-safar janaaN
tumharey saath kesay hain…!

Na yeh maloon karna hai k
Din raat kesay hain…

Mujhay bas itna kehna hai…

Mujhay tum yaad atay ho!
Bohat hi yaad atay ho!!!

ZameeN pe chal na saka…

: : : . ~ Blood Drunk ~ . : : : — Mon, 11 Jan 2010 17:33:10 +0000

Priceless Words from A Priceless Friend…

Zameen pe chal na saka aasmaN se bhi gaya,
Kataa k par ko parinda urran se bhi gaya.

Tabaah kar gai pakkay makan ki khwahish,
MeiN apnay gaaoN k kachay makan se bhi gaya.

Paraii aag meiB khud ko jala kar kia mila tujh ko,
Usay bacha na saka, apni jaan se bhi gaya.

bhulana chaha to bhulaney ki inteha kar di,
woh shakhs ab meray wehm-o-gumaan se bhi gaya.

Kisi k haath ka nikla hua woh teer hoon meiN,
hadaf ko chuu na saka, aur kamaan se bhi gaya.

Dedicated By:
Naeem Ur Rehman

Yeh dil kuch aur samjha tha

: : : . ~ Blood Drunk ~ . : : : — Mon, 11 Jan 2010 17:22:03 +0000

Woh jazboN ki tijarat thee Ye dil kuch aur samjha thaa
Ussay hansne ki adat thee Ye dil kuch aur samjha thaa

Mujhay uss ne kaha aao nae dunya sajaty haiN
Ussay sooji shararat thee Ye dil kuch aur samjha thaa

Hamaisha usski aankhoN maiN dhanak se rang hoty they
Ye uski aam haalat thee Ye dil kuch aur samjha thaa.

Wo mery pass bethi dair tak ghuzalaiN meri sunti
Ussay khud se muhabbat thi Ye dil kuch aur samja thaa

Mery kaandhy pe sir rakh kar kahiN per gae wo
Ye ik wakti inayat thi Ye dil kuch aur samjha thaa

Mujhay wo dekh kar aksar nighaiN phair leti thee
Ye dar-e-pardah hakarat thi ye dil kuch aur samjha thaa

Mohabbat jhoot hai…

: : : . ~ Blood Drunk ~ . : : : — Mon, 11 Jan 2010 17:13:31 +0000

Chalo Chorro!!!

Mohabbat Jhoot Hay
Ehd-e-Wafa Ik Shughal Hay Bay-Kaar Logon Ka

Talab Sokhey Huway Paton Ka Bay-Ronaq Jazeera Hay
Khalish Deemak Zada Aoraq Per Boseeda Satron Ka Zakheera Hay

Khumar-e-Wasal
Tapti Ret K Seenay Pay Urrtey Badlon Ki
Rai’igan Bakhsish!

Gubar-e-Hijer Sehra Main Sarabon Say Attey Mosam Ka Khamyaza!

Chalo Chorro!
K Ab Tak Main Andheron Ki Dhamak Main Sans Ki Zarbon Pay
Chahat Ki Bina Rakh Ker Safer Kerta Raha hoon

Mujhey Ehsas Hi Kab Tha
K Tum Mosamon K Parahan K Sath Rang Badlo Gay!

Chalo Chorro!
Wo Sarey Khwab Kachi Bhurbhari Mitti K Bay-Qeemat Gharondey Thay
Wo Sarey Zaiqey Meri Zaban Per Zakham Bun Ker Jum Gaye Hon Gay
Tumhari Ungliyun Ki Naram Pooren Pathron Per Naam Likhti Thin Mera Lakin
Tumhari Ungliyan Tu Adatan Ye Jurm Kerti Thein…!

Chalo Chorro!
Mera Hona Na Hona Ik Baraber Hay
Tum Apney Khal-O-Khad Ko Ainey Main Phir Nikherney Du,
Tum Apni Aankh Ki Basti Main Phir Say Ik Nia Mosam Uterney Du!
“Merey Khwabon Ko Merney Du”

Nai Tasweer Dekho
Phir Nia Maktoob Likho
Phir Naye Mosam, Naye Lafzon Say Apna Silsala Jorro,
Merey Mazi Ki Chahat Ra’igan Samjho
Meri Yadon Say Kachey Rabtey Torro….

Chalo Chorro….!!
Mohabbat Jhoot Hay
Ehd-E-Wafa Ik Shughal Hay Bay-Kar Logon Ka…

Mujhay tum yaad mat aana…

: : : . ~ Blood Drunk ~ . : : : — Mon, 11 Jan 2010 16:52:26 +0000

Tumhein Kitna Yeh Bola Tha..

K Meri Zindagi Mein
Iss Tarah Shamil Nahi Hona…

K Jab Aankhein Subah Ko Kholon,
Pukaroon Naam Main Tera

Kabhi Jo Aayeina Dekhon
Tumhara Aks Meri Aankh Ki Putlii Mein Jam Jaye!

Khushi Mujh Ko Milay Koi
Tumhara Sath Main Dhoondoon

Dukhon Mein b Yehi Chahoon
K Mery Pass Bas Tum Ho…

Tumhein Kitna Yeh Bola Tha..

Mujhay Badal Se,Barish Se
Muhabbat Hay Hamesha Se
Magar Tum Ne Muhabbat Ko
Junoon Mein Kiun Badal Dala?

Main Ab Barish k Mausam Mein
Tumhi Ko Dhoondta Kiun Hon?
Inhii Sochoon Mein Bheegta Hon,
K Tanha Bheegta Kiun Hon?

Tumhein Kitna Yeh Bola Tha..

Meri Aadat Nahi Badlo
Meri Khatir Nahi Badlo

Magar Tumne Badal Dala
Mera Sab Kuch Badal Dala!!

Main Ab Jo Khud Ko Takta Hon,
Mujhay Tum Yad Ati Ho.

Tumhein Kitna Yeh Bola Tha

Mujhay Tum Yad Mat Ana!!
K Tum Ko Bhoolna
Wesy Hi Mery Bas Se Bahir Hay

Mujhay Jab Yad Ati Ho
To Yeh Mehsoos Hota Hay
Mujhay Tum Yad Karti Ho

Tumhein Kitna Yeh Bola Tha

Mujhay Tum Yad Mat Karna
Mujhay Tum Yad Mat Ana

Meri Iss Zindagi Mein
Iss Tarah Shamil Nahi Hona
Tumhein Kitna Yeh Bola Tha…!!!

Hawa thami thi zarur lekin…

: : : . ~ Blood Drunk ~ . : : : — Mon, 11 Jan 2010 16:09:11 +0000

Hawa thami thi zaror lekin…
Wo sham jesay sisak rahi thi!

K zard patton ko andiyon ne
Ajeeb qisa suna dia tha…

K jis ko sun k tamam pattay
Sisk rahy thay…
Bilak rahy thay…

Na jany kis sanhay k gham mein
Shajar jarron say ukhar chukay thay..

Boht talasha tah hum nay tum ko
Her ik rasta…
Her ik wadi…
Her ik parbat…
Her ik ghatti…

Kahein say teri khabar na ayi..

Hawa pe likh kar payam bheja
to wo phir laut kar na aai…

Tu yeh keh k hum nay dil ko tala,
Hawa thamy get u dikh lein gy,
Hum us k rastoon ko dhoond lein gy…

Magr hamri yeh khuish kahlyi…!!!

Hawa thami tu zaror lekin
Barri he mudat guzar chuki thi…

Humary balloon k jangloon mein
Safaid chandi uttar chuki thi

Falk pay taray ni rahy thay
Gulab piyary ni rahy thay

Wo jin say basti thi dil ki basti
Wo loog sary ni rahy thay…

Aur yeh almia sub say balatar tha
K tum hamry ni rahy thay…

Hawa thami tu zaror lekin…
Barri he mudat guzar chuki thi…!!!

Tum ne tutay huye patton ko to dekha ho ga..

: : : . ~ Blood Drunk ~ . : : : — Tue, 20 Oct 2009 15:13:21 +0000

Tum ney tootay huay patton ko kabhi dekha hai!

Darakht ke haath say giray huay sookhay pattay!
Khaak-aalooda, sitam-raseeda, faryaad-kanaan
Hawa ke rahm-o-karm par keh ab lay jaaey jahaan

Jin ki zaat mein pasti hai, qismat mein fanaa
Bain kartey huay, tarraptey huay, sehmay huay

Kisi raah-geer kay qadmon ki dhamak suntay huay
Jin ki aankhon mein be’kasi ke siwa kuch bhi nahi
Jin ke bas mein be’basi ke siwa kuch bhi nahi

Shoq-e-tamaasha hai to kisi roz mujhay milnay aao
Tum nay tootay huay patton ko nahi dekha agar!!!

Tum nay thehrey huay pani ko kabhi dekha hai!
Kisi sookhti hui jheel mein be’jaan sa thehra paani!

Jis ke qatron mein haraarat ki koi ramaq bhi nahi
Jis ki lehron mein zindagi ki koi chamak bhi nahi
Jheel ki goad mein simat’ta hua gadla paani,

Wohi camakta hua, shafaaf sa pyara paani
Jo kabhi mashkeeza-e-abr kay labon say chalka tha
Aaj haqaarat say taktey hein usey guzarney waaley

Shoq-e-tamaasha hai to kisi roz mujhay milnay aao
Tum nay tootay huay patton ko nahi dekha agar!!!

Tum nay uljhay huay dhaagon ko kabhi dekha hai!

Apnay hi aap mein uljhey huay kacchey dhaagay!
Jo apnay aap mein hi reh gaey hon gunjal ban kar
Apnay wajood ki gehraaiyon mein ik uljhan ban kar

Tarha tarha say uljhay, jagaa jagaa say kharaab
Jo agar chaahein bhi keh sanwaar lein muqaddar apna
To apni hi zaat ka sira dhoondh dhoondh ke thak jaaein

Wohi rangeen say dhaagay jo kabhi thay misl-e-dhanak
Aaj apney aap mein yun uljhey hein ke sulajhtay hi nahi

Shoq-e-tamaasha hai to kisi roz mujhay milnay aao
Tum nay tootay huay patton ko nahi dekha agar!!!

Aks To Mera Ho Nazar Tu Aye

: : : . ~ Blood Drunk ~ . : : : — Thu, 23 Jul 2009 17:18:40 +0000

LiveJournal Tags: Tasavur,Tassavur,Tasavor,Chupke,Chu,Sans,Khushbu,Ishq,Farq,Jheel,aks,nazar